Descripció
Dangoswch awgrymiadau sillafu a gramadeg wrth gyhoeddi yn y Gymraeg gyda WordPress.
Datblygwyd yr ategyn hwn ar gyfer gwasanaeth newyddion a materion cyfoes Golwg360 a chynllun cyhoeddi cymunedol Bro360 gan Iwan Standley ar ran Golwg.
Mae’n defnyddio’r gwasanaeth Cysill Ar-lein a ddarperir gan Brifysgol Bangor, er mwyn cynnig cywiriadau a gwelliannau wrth i chi ysgrifennu cofnodion o fewn golygydd WordPress. Bydd angen i chi gofrestru i greu cyfrif am ddim er mwyn defnyddio’r gwasanaeth (mae rhagor o fanylion yn yr ategyn).
Mae hefyd yn cynnig ffordd hawdd o osod toeon bach ac acenion eraill yn eich cofnod.
Mae Golwg yn falch o rannu’r adnodd hwn gyda’r gymuned gyhoeddi Cymraeg. Mae croeso i chi gynnig gwelliannau ac ailddefnyddio’r cod.
This Welsh-language spelling and grammar checker is provided by Golwg using Bangor University’s Cysill API.
Captures
PMF
Ydi’r gwirydd yn gweithio gyda HTML a thestun wedi ei fformatio?
Ydi, os yw’r fformatio’n weddol syml.
Ydi’r gwirydd yn gweithio gyda’r golygydd blociau?
Ar hyn o bryd, mae’r gwirydd yn gweithio gyda’r golygydd clasurol, a blociau clasurol o fewn y golygydd blociau. Os ydych chi’n defnyddio’r golygydd blociau yn rheolaidd, ac am wirio testun yn y blociau sylfaenol (hynny yw, nid yr un clasurol), rhowch wybod i ni—byddai’n ddiddorol gwybod os oes galw am hyn.
Ydi’r gwirydd yn gweithio gyda rhwydwaith WordPress aml-safle?
Ydi. Gallwch fywiogi’r ategyn ar lefel y rhwydwaith, yna gosod yr allwedd API unwaith ar gyfer yr holl safleoedd yn y gosodiadau rhwydwaith. Neu, mae modd bywiogi‘r ategyn ar lefel safleoedd unigol a gosod allweddau API gwahanol iddynt.
Sut ydw i’n cofrestru i dderbyn allwedd API?
Er mwyn defnyddio’r adnodd sillafu a gramadeg, bydd angen i chi greu cyfrif ar wefan Porth Technolegau Iaith ac yna creu allwedd API ar gyfer y gwasanaeth Cysill Ar-lein.
Awgrymwn i chi beidio â dewis yr opsiwn “Bydd yr allwedd API yn cael ei defnyddio ar wefan” gan nad yw’r cyfyngiad hwn yn gweithio gyda phob porydd.
Ydi fy ngwybodaeth bersonol yn ddiogel?
Nodwch y wybodaeth bwysig hon ynglŷn â gwasanaeth Cysill Ar-lein:
Hoffem i chi fod yn ymwybodol, wrth i chi ddefnyddio Cysill Ar-lein, y bydd eich testunau yn cael eu danfon at ein gweinydd(ion) er mwyn gwirio’r sillafu a’r gramadeg. Mae Cysill Ar-lein yn cadw copïau o destunau sy’n cael eu gyrru ato er mwyn eu cynnwys o fewn corpws o destunau. Bydd y corpws hwnnw yn cyfrannu at ymchwil academaidd, gwelliannau yn Cysill a datblygiad technolegau iaith yn y dyfodol. Peidiwch â rhoi unrhyw ddeunydd cyfrinachol neu sensitif i mewn.
Col·laboradors i desenvolupadors
«Gwirydd Sillafu Cymraeg» és programari de codi obert. La següent gent ha col·laborat en aquesta extensió.
Col·laboradors
“Gwirydd Sillafu Cymraeg” s’ha traduït a 1 configuració regional. Gràcies als traductors per les seves aportacions.
Traduïu «Gwirydd Sillafu Cymraeg» a la vostra llengua.
Interessats en el desenvolupament?
Navegueu pel codi, baixeu-vos el repositori SVN, o subscriviu-vos al registre de desenvolupament per fisl de subscripció RSS.
Registre de canvis
1.3
- Mân-newidiadau.
1.2
- Y fersiwn gyhoeddus gyntaf.